ألوان موضة ربيع و صيف 2019
ألوان موضة ربيع وصيف 2019
🌸ازيكم يابنات النهاردة موضوعنا عن الألوان الموضة فى ربيع وصيف 2019 فى موضوع تانى هينزل ان شاء الله عن اللبس والستايلات اللى نازلة موضة برده استنوووووه
فالنهاردة كلامنا بس هيبقى عن 🌷الألوان🌷
🍁 ايه الألوان الموضة الموسم ده
🔼 Living Coral 🔼
وهو لون مدى شويه على اورانج بس عليه شويه بينك كدة
وقايلين عليه انه لون العام Color of the Year يعنى هتلاقوه اكتر لون منتشر فى كل المحلات
🔼Fiesta 🔼
وده الأحمر المائل للأورانج او الأورانج المحمر
🔼 Yellow 🔼
🔸الأصفر 💛 بدرجاته كلها من اول الاصفر الفاتح خالص للغامق وكمان اللى مدى على لون الكركم كدة 🌷
اللى بيحبوا اسامى الألوان بالانجليزى
فهتبقى اسمها
Lemon Verbena ➡️ Aspen Gold ➡️Mango Mojito👚
واللون اللى مدى على اورانج شوية او كركم هو ال Turmeric
🔼 Jester Red 🔼
الأحمر الغامق
🔼Sweet Lilac 🔼
البينك الهادى اوى
🔼Neon Colors 🔼
الألوان الفسفورية منتشرة بطريقة فظيعة فى المحلات كلها الاخضر والاصفر والاورانج الفسفورى
🔼 Terrarium Moss 🔼
اللون الزيتي
🔼 Pepper stem 🔼
لون الفلفل الأخضر
🔼Princess Blue 🔼
اللون الأزرق الصريح🔼Eclipse 🔼
اللون الكحلى
🔼 Toffee 🔼
وده اللون البنى اللى تحسى انه مكرمل شويه
ايه الحاجات اللى بقولها دى شكلى جعانة 😂
🔼 Brown Granite 🔼
وده كدة بنى تحسى انه قالب على رمادى شويه او بنفسجى شويه والله ماعارفة اوصفه 😂😂
🔼 Soybean 🔼
وآخر حاجة اللون الكريمى واللون البيج اللى مدى على دهبى شويه اللون ده انا شوفته فى الواقع تحفة جدا
اسمهم Sweet Corn 🌽 و Soybean
هما أساميهم اكل يعنى المشكلة مش فيا 😂😂
▪️▪️
⁉️ قولولى بقى ايه اكتر لون حابين تلبسوه فى الصيف ده مع باقى لبسكم؟ 🔸 عن نفسى عايزة اجيب حاجة لونها زيتى او اصفر بما ان الالوان دى مش موجودة عندى وانا بحبهم
▪️▪️
ماتنسوش تتابعونى على Instagram
Follow us 🌸 @rooony_style 🌸
▪️▪️
▪️
____________
ليست هناك تعليقات